لا تدخل

قفلت تليفوني بعد مكالمة طويلة قعدت اكتر من نص ساعة بحاول أقنع فيها صاحب الشقة اللي انا عاوزها بتخفيض سعرها أو حل مريح في سداد الفلوس، بس هو كان رافض الفكرة دي تماما .. وانا المفروض هتجوز كمان شهرين يعني مفيش وقت ولازم اجيب شقة الاسبوع ده.

اخدت إجازة من الشغل وفضلت في الشارع طول النهار وبلف علي السماسرة وبطلع الشقة دي وبنزل من الشقة دي ،، أغلب الشقق اللي يشوفها مش مريحة ومتنفعش .. ياما حلوة بس غالية ياما سعرها حلو بس وحشة .. مفيش امل شكلي كده هاجل الحوازة شهر كمان، تلفوني بيرن رقم غريب .

رديت عليه عرفت أنه سمسار وبيلغيني أن في شقة سعرها مناسب وكويسة .. ادني العنوان وقالي أنه منتظرني، روحت علي العنوان  المكان عبارة عن مجموعة بيوت تقريباً كلها شبه بعض زي كومباوند، بس الاختلاف هنا أن عدد البيوت أقل ومفيش أمن .. ده مفيش ناس حتي .

بس اشطا عادي مفيش مشكله

الشوارع فاضية تماما ، البيوت كلها مقفولة البيت مكون من طابقين ، شايف واحد واقف في البلكونه يشاورلي وبيقولي اطلع .. الشقة في الدور التاني طلعت علي السلم البيت شكله جميل وبابن عليه أنه ليه جديد المنطقة كلها تقريبا لسه جديده .. لاني متذكر انها من سنتين كانت أرض فاضية.

الشقة جميلة جداً بس الدور الاول باب الشقة حديد ومقفول، الدور التاني الموجود في الشقة شخص طويل وعريض واقف مبتسم ليا وبيسلم عليا وبيقولي اهلا بيك الشقة قدامك تقدر تتفرج عليها براحتك ، الشقة كبيرة جدا مكونة من اربع غرف .. مستغرب من سعرها القليل !! من كتر فرحتي سرحت بخيالي لدقائق .. لما أدركت وعي اكتشفت أن السمسار مش موجود مع اني متاكد انه كان لسه موجود من ثواني هنا!.

مفيش حد موجود في المكان غيري فجأة سمعت صوت بكاء جي من الدور اللي تحتي .. الصوت ظاهر لان المكان هادئ جدا، ازاي في صوت والاب مقفول، نزلت وفضلت اخلط بقوة علي الباب بس مفيش حد بيرد عليا ؟، صوت البكاء لسه متواصل مفيش حل غير اني اكسر الباب .. وفعلا قدرت اكسر الباب لما دخلت الشقة حسيت اني قلبي اتقبض 😒.

حاسس بخوف ريحة غريبة خارجة من الشقة هي مش وحشة بس ريحة موت!!! ، دخلت الشقة الجدران كلها مرسوم عليها رسومات متشخبطة وكأن طفل كان بيرين عليها ومعظمها متهالك ومتكسر .. عرايس ودمي كتير علي الارض كتير جدا بشكل مبالغ فيه ، بس الغريبة أن الدمي كلها عليها اثر دم ؟؟ .. الصوت لسه متواصل الصوت جي من الغرفة الموجودة في اخر الممر الطويل ده.

باب الغرفة شكله مش لطيف خالص .. عليه اثر لدماء من حرف الباب من تحت.

صوت عقلي بيقولي اهرب من هنا لازم تهرب🥺 وصوت تاني بيقولي مش هتخسر حاجه لما تشوف أيه مصدر الصوت مش يمكن تكون سبب في إنقاذ روح !؟ ، لثواني بفكر وفضولي شدني اني اكمل وادخل اعرف ايه مصدر الصوت ده، بقرب من الباب والصوت بيكون أعلي الصوت بيعلي حسيت بأن نبضات قلبي بتزيد وانا بقرب من الباب😟.

مسكت الاوكرة وبفتحها بهدوء .. شخونية شديدة خارجة من الاوضة بفتح بهدوء  شخونية شديدة خارجة من الاوضة بفتح بهدوء صهد قوي جدا خارج من الاوضة😧، مش قادر اشوف كويس لثواني عينيا مزغللة من شدة الصهد والسخونية الي خارجة من الاوضة، بدأت اشوف كويس بحاول أركز وانا باصص علي جدران الغرفة اللي شبه محروقة .. لونها اسود ودم كتير عليها ببص على الأرض وشايف قدامي جثث لأطفال كتير متقطعين بشكل بشع😨😨.

معظمهم متحللين وفي هيكل عظمي وجماجم بتدل انها لأطفال صغيرة!! ، الأرض معظمها حفر عميقة .. قربت من حفرة منهم وشغلت كشاف تلفوني ونزلت بأيدي جوا الحفر🥺 .. شايف واحدة ست لابسة زي شال اسود طويل مغطي وشها😕😟، بقرب الكشاف منها وكأنها بتهرب من النور بتحاول تتفادي النور ؟؟ طفيت الكشاف في اللحظة دي حسيت بحاجة بتمسك أيدي بقوة وبتشدني داخل الحفرة😧😨، حاسس بأن أيدي بتتخرق جلدي بيسيح ؟؟؟ قدرت اشغل الكشاف تاني بعدت وسالت أيدي الي بتنزف.

جلدي بيسيح حروق كتير في ايدي .. أنا لازم امشي من هنا فوراً لازم امشي من هنا .. في اللحظة اللي بقول فيها كده الكهربا قطعت.

مفيش غير ضوء كشاف تليفوني اللي قادر اشوف بيه الست أو الكائن الغريب ده وهي بتحاول تخرج من الحفرة .. بس في حاجه غريبة اوي!! أنا شايف واحدة تانية بتخرج من الحفرة التانية لا لا دي في واحدة تالته كمان بيحاولو بخروجه.

أنا واقف في مكاني مش عارف اعمل اي حاجه .. محستش بنفسي غير وانا بجري بكل سرعتي وبخرج برا الشقة سامع وحاسس بيهم ورايا طول ماانا كنت موجود جوا الشقة قدرت أخرج برا البيت .. وقعت علي الارض مش قادر اخد نفسي بحاول استوعب اللي بيحصل عقلي وقف عن التفكير .. شايفهم وهما واقفين داخل البيت بيبصوا بنظرتهم المرعبة بيزحفوا علي الارض زي الزواحف وبيحاولو يخرجوا برا البيت بس ضوء الشمس منعهم.

جريت مرة تانية فضلت اجري لحد لما قدرت اقابل شخص قدر أنه يساعدني ارجع بيتي مرة تانية .. من كتر الصدمة مقدرتش انزل من البيت لمدة طويلة ، أنا بلغت البوليس عن مكان الشقة اكتشفوا انها مفهاش اي حاجه حتي السمسار اللي قولتلهم عليه ملهوش اثر مفيش حد بالاسم ده او بالمواصفات دي، حتي الرقم اللي كان بيكلمني منه طلع الخط موقوف من سنه.

مش قادر افهم ولا استوعب اللي حصلي ده بجد ولا خيال بس اثر الحروق موجودة في ايدي ومعظم جسمي، أنا قررت متجوزش .. قررت ابعد عن كل حاجه أنا بقيت اخاف ادخل اي شقة أو بيت جديد بقيت اخاف من الأطفال أنا بقيت اخاف من حاجات كتير...