كوادث العالم المظلم"الجزء الاول"

@@الانترنت المظلم (قصة حقيقية)@@

اهلا ومرحبآ بكم متابعين عالم رعب ستار.

رواية الاسبوع ده مختلفه عن اي قصة اخري لانها قصة حقيقية حدثت بالفعل، ده غير اننا هنستخدم لاول مره اسلوب اللغة العامية في الرؤيه يلا بينا.

ملاحظات قبل ان تبدء القراءه:

يرجي التواجد في امكان هادئة مظلمة خالية من الضوضاء 

**البداية**

النهارده اليوم مختلف شويه عن اي مره  فعليا والموضوع مختلف.

 كان بقالي فتره بادور على محتوى جديد وبحاول اوصل للناس محتوى مختلف،  والموضوع ده حصل معايا والبست فيه لابسه وحشه وبحاول اعافر فيه،  بسبب انى حاولت اخش الدارك ويب و احاول اشوف الموضوع حقيقه ولا خيال وحصل معي قصه ممكن ما حدش يصدقها بس مقفول عليا لوحدي.

وعشان ما بحبش البدايات الطويله فياريت تحضر كوبايه شاي او نسكافيه.. اللي تحبه،  وتقعد تقراء القصه وتشوف الكاميرا اللي اتفتحت والحوار اللي دخلت فيه، واللي لسه بتحمل عواقبه لحد دلوقت لوحدي بعد الم شديد.

الموضوع ابتدا لما كنت قاعد مع زميلي على القهوه وكنا بنتكلم على الدارك ويب،  كنت بكلمه عن المحتويات وان انا بحاول اوصل لمحتويات جديده اكتبها للناس واوصلها للناس، وده اللي خلانا نفتح موضوع الدارك ويب.

قال لي ليه لا تعال نشوف الموضوع ونشوف ماشي ازاي وتشارك الناس المغامره!!!

 قلت له لا يا عم لا يحصل معي حوار مش تمام، ده غير ان الناس دخلت وجربت وجابوا فيديوهات ومواقع واتكلموا مش هبقا مختلف كده لا يا عم.

الموضوع مشدنيش بس ما مانعنيش اني انا اخذ منه البرامج اللي توصلني للدارك ويب واعرف الاساسيات اللي اخش بها وايه المفروض اعمله عشان اخش بامان عليه∆∆∆

 قال لي في برامج امنيه لازم اسطبها عندي عشان اشتغل عليه، واحاول اخش في الموضوع ده ومادخلش في حوارات او يطلع لي ضرر لان البروفيشنال هناك شغلهم الشاغل البرامج المميزه مش النت العادي بتاعنا ده.

اخذت منه البرامج اشيلها واكيد استخدمها في يوم،  وعدت عليا فتره مش صغيره وربنا كرمنى وجبت لاب على قد حالي، ولقيت نفسي في يوم قاعد فاضي والساعه حوالي 2 الفجر قمت عملت كوبايه قهوه وبدات افتح الفولدر  بتاع الدارك ويب...وقولت ليه لا يلا بينا هاخش ولو قدر الله حصل حاجه هشيل الفيشه بسرعه و افصل النت و الموضوع هيخلص.

 ولكن يا ريتني ما عملت كده لانه لحد دلوقت مدخلني في حوارت ما بخلص منها!!!.

انا عارف ان الموضوع هيطول بس حبيت اوثقها واحكيها لكم لحد ما نوصل للكاميرا اللي اتفتحت وشفت فيها حاجه غريبه قوي، الموضوع بدا معي كتالي بعد ما عملت كوبايه شاي وسطبت البرامج الامنيه وفتحت الدارك ويب دخلت فعلا ولقيت المواقع زي ما انتشر ولقيت حاجات مختلفة منها اسلحه ومخدرات .

انا مش عايز ده...انا عايز اخش اكتر واشوف واتغوط فيه اكتر وحابب اوصل لحد يفهمني الدنيا ماشية ازاي لاسف عملت محادثة مع شخص عشوائي .

دخلت اسمي وعمري وشوية بيانات وفضلت مستني الشخص يرد عليا، في البداية ظهرتلي رسالة بتحذرني من الاعامل مع الشخص ده بالنسبالي بداية موفقة نكمل .

انا قوات انا داخل علي حوار جديد ودوست ودخلت مع كذا واحد لقيتهم بتوع نصائح وبيع وشراء، يادوب يبيع....

كل لما اسال حد علي حاجة يسبني وينهي المحادثة واستمريت نص ساعة علي هذا الحال ~~~

لحد ما أخيرا لقيت الشخص اللي الحوار قائم عليه كله وهو راس الافعي زي ما بيقولوا، احكي لكم الحوار بالترجمه لان الشخص ده كان بيتكلم بالانجليزي مش العربي.

الحوار بدا بترحيب كالتالي وركز شويه في كل كلمه هتتقال

*انا : هاي

#هو : هاي

الموضوع بدأ طبيعى وعادى جدا وبدا القلق يخف شويه ولكن....

*انا : عرف نفسك

#هو : الاموار هنا لأ تتم بتلك الطريقة؟؟

إلي خدته من كلامه أن شغل عرف نفسك والكلام ده مش هنا وكان حاد اوي في كلامه معايا

*انا : عرفني الطريقة بتمشي ازاي

#هو : ميوالك ايه؟

حبيت اعمل عبيط وانتو عارفين للمصريين بيحبو يشغلو دماغهم شويتين 😂😂

*انا : مش فاهمك

#هو : أنت كده في المكان الخطأ مع الشخص الخطأ

طبعا لما قالي كده عرفت أنه هو الشخص المرغوب فيه، وان هو ده اللي انا عايزه وعايز اعمل مغامرتي معاه.

*انا : ممكن تساعدني انا بس جديد في المكان وعايز اعرف الموضوع هنا بيتم ازاي

#هو : مكنش صح اتكلم معاك في البداية ومكنش ينفع أنت تخش هنا من الأساس

وقالي كلمه انا مش هنساها : قالي دي مش هتبقى اخر محادثه بيني وبينك ، طبيعي في حاجة غلط أنا عملتها بس مش عارف ايه هي والمشكلة أنه واثق من كلامه اوي، ساعتها قلقت وحسين اني دخلت في حوار كبير اوي.

وبدأت اقولو انت بتقول ايه دي مجرد كانت تجربة ويحاول اقفل معاه الكلام لأن واضح ان الشخص ده مش سهل لأن ردوده جاية في الجون بصراحه.

لقيته باعتلي رسالة بتقول : مين قالك أن أنت إلي هتجيلي انا هعرف اوصلك متشغلش بالك،😨😨 انا صعقت لما قالي كده، ومن هنا انا فعلا حصلي حوار وادبست في موضوع وفصلت النت ولكن...😧😧😧 النت مفصلش وفضل شغال عادي جدا 😳.

بعتلي رسالة بتقول : انت لازم دلوقت تشوف انت بتكلم مين وبعتلي رابط الكاميرا بتاعته، اللي فهمته بعد كده ان انت لو فتحت كاميرا على شخص يعني شفت تفاصيله يعني مش هينفع تطلع من تحت يده غير وانت ميت.

 وقومت المره دي قفلت الراوتر من الكهرباء بس اللي حصل مكنش متوقع قومت عشان افصل الكهرباء بس بس..😱

.. ايه اللي حصل ده ..

اول لما قومت لقيت صوت ظهر في السماعه وانا مكنتش مشغل السماعه اصلا صوت زنه بس صوتها غريب، وده خلاني ارجع تاني بسرعه اشوف في ايه.

كنت متوقع أنها شاشه أو تليفون بيرن مثلاً فعمل الزينه دي لقيت فجاه الكاميرا بتاعتي اشتغلت وكانه هو اللي بيتحكم في جهازي وشوفت اللي محدش يقدر يشوفوا بعينه.

بدأت اسال نفسي هو ده فيديو هو مشغله وبيعيد نفسه ولا صوت وخلاص من اعلانات المدارك ويب

انا كده لبست ودخلت نفسي في حوار أنا مش قده

وهو حاول يرهبني وانا فعلا اتشليت من الرعب 

وحاولت افصل الكاميرا مش عارف

حاولت افصل جهازي مش عارف 

الجهاز بقي في تحكم شخص تاني 

وكنت بعمل مغامرة بس قلبت بحوارات أنا كنت فعلا في غني عنها

ولقيت رسالة غريبة بتقول : " شعرك جميل" ؟؟!😟

ايه ده... ده شافني يعني عرف ملامحي منين .. هو فتح الكاميرا 

طب ازاي؟

انا مش ميركب الكاميرا على الجهاز اصلا😰

لحد هنا وقولت افرمت الجهاز واعمل نسخه جديده وامسح الملفات كلها

بس الموضوع متنهاش لحد هنا لقيته وصلي عن طريق رسالة من رقم مجهول المصدر وكتبلي " بقالك يومين مدخلتش وانا قولتلك هعرف اوصلك

وكان لازم أخش تاني عشان انهي الموضوع

{تفتكروا عملت ايه ... جاهزين للجزء الثاني}