اختي والعفاريت الهندي

 اختي والعفريت الهندي...قصة حقيقية مرعبة جدا.. احذرووووا

متابعينا الاعزاء في عالم رعب ستار

اهلا وسهلا لحضراتكم وقصة رعب جديدة اتمني تنال اعجابكم

القصة دي كامله وحصلت فعلا

انا اسمي احمد شغال حاليا عاطل زي معظم الشباب اللي في مصر وعندي 24 عام ، الحكاية اللي انا هحكيها دلوقتي انا شاهد عيان على أحدثها مش بس كده .. انا كنت في أوقات طرف في الحكاية وشوفت بعيني اللي انا مش ممكن اصدقه لو حد بيحكيه ليا.

لاني بصراحه مش بصدق الحاجات دي .. المهم انا عندي اخت اسمها هدير اصغر مني بتسع سنين ، والحكاية دي ابتدت لما هدير كان عندهم تقريبا خمس سنين ، كنت بشوف هدير بتتكلم مع حد مش شايفه.

ولما كنت بسألها انتي بتتكلمي مع مين كانت بتقول لي بتكلم مع صاحبي احمد، في البداية انا كنت فاكرها مجرد خيال اطفال ولكن الموضوع استمر معاها فترة كبيرة جداً..

ولما كان عندها 6 سنين بدأت تقوم من النوم مفزوعه وديمآ كانت بتبقي خايفه ولما نسالها في ايه كانت مش بترد..

الموضوع تطور جدا بقا لما هي قررت انها تصارحنا بالموضوع وقالت لنا أنها معاها عفريتين مسلمين واحد اسمه احمد والتاني محمود.

احنا طبعاً مصدقنهاش في الأول وافتكرنا الموضوع مجرد خيال اطفال لأن طبعاً الكلام ده لو بجد تبقي مصيبه أو علي الاقل هتكون اختي اتجننت ولكن .. لسوء الحظ طلع كلامها صح.

هدير قالت لنا انا هثبت لكم أن كلامي صح وحقيقي وعقول لكم على حاجات انتوا عملتوها فعلا :

المدهش في الموضوع أنها لما ابتدت تقولنا .. كلنا وقفنا مندهشين .. لأن الحاجات اللي هي قالتها حصلت فعلا ومكنش حد يعرف حاجه عنها إلا صاحب الموقف نفسه ..

بعد ما هدير قالت لكل واحد على موقف حصل معاه لوحده .. خالتي خدت هدير في حضنها وابتدت ترقيها، راحت هدير يصلها بصه غريبة وقالت لها اوعي تشتري العبايه الستان السوداء عشان ضيقه جدا وملفته !! ،خالتي اندهشت اكتر لأنها فعلا كانت هتشتري عبايه ستان سوده ؟! ..

خالتي من فرحتها فضلت تكبر الله اكبر بصوت عالي جداً !! خالتي قالت البت دي عندها كرامات وربنا راضي عنها 🤔.

انا عقلي ماكنش مستوعب اللي شوفته قدام عنيا ..

وبعد كده هدير بقت تطلب طلبات غريبة ولما حد يسألها ليه؟؟ تقوله دي طلبات احمد ومحمود وفي يوم طلبت بخور ومسك😕 .. ولما دورنا على البخور والمسك مش لقيناهم ...

وواحد عطار قالنا أن الانواع دي بتيجي بالطلب من السعودية لأنها مش موجوده في مصر ..

طبعاً احنا محبناش البخور والمسك ، هدير كانت زعلانه وكانت بتقولنا أن احمد ومحمود تعبانين جدآ وأصبح جسمهم هزيل جدا .. وكانو بيطلبو منها أنها تلتزم بالصلاة .

هدير بقا كانت مره تلتزم وتصلي ومره لا وكانت مش مواظبه على الصلاة في ميعادها .

احمد ومحمود كانو بيقولوا لها أن قوتهم بتزيد لما هي تلتزم بالصلاة وبتقل لما تبتعد عن طاعه ربنا🙄 .. وقالوا لها أن المسك والبخور اللي هما طلبوه كانو عشان يبعدو عنك اي مكروه قد يصيبك ..

ومرت الايام على هذا الحال إلي أن جاء اليوم العصيب!!😟 .

في يوم هدير كانت بتصرخ ومش قادرة تتنفس وبتقول ابعد عني!؟ ، وبعدها بشوية كانت بتستغفر .. وشوية تاني تقول سيب محمود وأحمد أرجوك 😶، فضلت على الحال ده شويه حتي فقدت الوعي.

خدنها وجرينا علي المستشفى ودخلت غرفت العنايه المركزه، الدكتور قالنا عندها انهيار عصبي حاد .. طبعا احنا كنا قلقانين وفضلنا في اليوم ده على اعصابنا وبندعيلها .. ولما فاقت الدكتور بدأ يتكلم معاها وخرج بعدها بشوية وقالنا دي اعراض جنون ولازم تتحول إلي مستشفي العباسية😨😰.

احنا رفضنا .. واتكلمنا مع الدكتور أن الموضوع هيبقي صعب جدا ولازم ناخدها معانا البيت .. الدكتور طالب أننا نكتب تعهد بتحمل المسؤولية عشان يسمح لنا ناخدها البيت .. وفعلا بابا كتب تعهد علي نفسه وروحت معانا هدير في نفس اليوم.

تاني يوم سألنا هدير عن اللي حصل معاها قبل ما تفقد الوعي قالت لنا أن هناك عفريت مجوسي كان بيحاول يقتل احمد ومحمود وضربهم جامد جدا .. وكان عاوز يموتني💀 وبيقولي أنه هياخدني استغل عنده عبده .. فيحاولوا يمنعوه ولكن للأسف كان بينتصر عليهم لأن قوته كبيرة جداً .. وفجأة هدير صرخت😦😧 !!؟

وكل لما حد يحاول يهديها تصرخ اكتر ، وكان باين عليها الذعر .. حاولت أهديها واقرأ عليها قرآن عشان حالتها تتحسن ولكن كانت بتصرخ اكتر😕😬، وتبكي اكتر .. وتبوس ايديا اني ابطل لأنها حاسه انها هتموت😨😱 .. طبعا أنا سكت خوفا عليها انها يحصلها حاجه ..

-بابا كلم واحد اسمه الشيخ هاني عشان يحاول أنه يشوف البنت مالها ، لربما البنت ممسوسه..

فعلا الشيخ هاني وصل ، وبدأ يقرأ عليها آيات من القرآن وسقاها ماء مقروء عليه الفاتحه .. وحط عليه ماء مورد، انا لما شربت طعم المياه عجبني ، الشيخ هاني قالي اني كده معنديش حاجة .. لان لو ملموس كانت المياه مش هتعجبني ... المهم طبعا هدير مكنتش راضية تشرب وتبكي..لحد ما هدير غاب عنها الوعي.

هو قالنا أنها لما تفوء هتبقي كويسه، وفعلا هي كانت كويسه ولكنها لم تشفي تماما .. لحد ما هدير قالت لنا أن احمد ومحمود سابوها عشان هي مش منتظمة في الصلاة، ولما هتكبر وتلتزم هيرجعوا تاني لها .. في اليوم ده تعبت جدآ .. وفضل الموضوع يتكرار كل كام يوم .

وكل شوية الشيخ هاني بيجي عشان يقرأ عليها قرآن .. لغاية ما في يوم كنت أنا وهي بنتخانق بليل .. انا دخلته اوضه ضالمه وقفلت عليها الباب .. كالعادة هي صرخت☹️ .. بعدها بشوية خرجتها قولتلها انتي كل لما حد يزعلك تعملي الحبتين دوووول😡 .. بعدها بشوية بابا جه لقي اختي منهارة من البكاء😶.

اول حاجه خدت عالقه معتبره .. وبابا اتصل بالشيخ هاني ولحسن الحظ مكنش بيرد علي تليفونه، وفي واحده جارتنا قالت لنا على واحد اسمه محمد عشان نروحله .. وفعلا بابا راح لمحمد ده وطبعا كان معاه هدير ، الغريب بقا في الموضوع أنهم بيحكوا عن كرامات الشيخ ده الي اسمه محمد .. ومحد قالهم أن في جن مجوسي كان لامس هدير وكل شوية ياذيها.

انا مكنتش مصدق وبقول انا الحاجات دي مجرد أوهام لو صدف بتحصل ، لحد ما جه اليوم اللي شوفت فيه بعنيا .. هبقي احكي لكم عليه بعدين، ومرت الايام وهدير الحمد لله رجعت طبيعية وبقت كويسه وكبرت لحد ما حصل اللي حصل !!؟.

هي بتحب تقعد في البيت كتير، وتتفرج على المسلسلات المدبلجه بالعربي ، انا بقا مش بحب اي حاجه مدبلجه ،، ومما زاد الأمر سوءاً أنها لتعلقت بالمسلسلات الهندي .. وأصبحت حياتها عبارة عن مسلسل هندي !! وتفضل تقلدهم، وكانت نفسها تسافر الهند وتتجوز واحد هندي .. انا حسيت أن اختي مخها اتلحس وبقت مهوسه بالهندي، وانا اصلا شايف أن المسلسلات الهندية مرض لابد من العلاج منه.

ولكنها كانت رافضة انها متتفرجش على الهندي، انا قررت اني اخليها تبطل تتفرج على المسلسلات الهندية وياريتني ما عملت كده !! هي كانت متابعة مسلسل اسمه جودا اكبر الجزء التاني .. انا طفيت لها التليفزيون وشيلت الرسيفر وقولتها لازم الطلب تتفرجي على الهندي !؟ فضلت تترجاني عشان اشغل التلفزيون.

وصل بيها المرض أنها بتقولي ابوس علي رجلك بس شغلي المسلسل ؟؟ كان المسلسل بالنسبة ليها زي المخدرات .. بس انا رفضت، تاني يوم سمعت صوت ماما بتنادي على بابا بصوت عالي .. روحت اشوف في ايه !؟ لقيت هدير في غيبوبة تامة 😨 .. حاولنا تفوقها ولكن فشلنا ونادهنا على لدكتور جنبنا .. والحمد لله أعطاها بعض الحقن والمحاليل خلتها تفوق😌.

المهم بليل هدير رجعت تتحايل عليا عشان تسببها تتفرج على المسلسل وبرضه انا رفضت ذلك .. هي فضلت تبكي وسابتني ومشيت ، بعدها بشوية سمعت صوت جاي من الحمام !! صوت صرخه مش هقدر انساها ابدا 🙁.

هدير كانت بتبكي وتصرخ في الحمام .. فضلنا ننادي عليها عشان تفتح الباب وتخرج بس مكنتش راضية تخرج !؟؟ انا كسرت باب الحمام

هدير كانت بتبصلي بنظرات مرعبة وعينيها حمرا😳..

هنا بقا ابتدأ الاكشن فعلاً ؟؟ قالت لنا بصوت أجش "هموتكم كلكم"😱😳 .. وبقت فيها قوه غير طبيعيه .. وتصرخ بطريقة اول مرة أشوفها تصرخ كده ، مبقاش حل غير أنه يتصل بالشيخ محمد واتفقوا أنه ييجي بليل .. اول مرة اشوف محمد ده .. شاب في منتصف الثلاثينات، وسيم جدا وعنده لحيه خفيفه .. شكله مديكش طابع انه شيخ خالص!.

دخل المنزل ،، سلم عليا وقالي ازيك يا احمد!🙄 .. استغربت ،هو عرف اسمي منين .. بعدها قالي عامل ايه في الجيش🙁😦 .. قولتله انت عرفت ازاي اني في الجيش، بص ليا وابتسم .. هدير اول ما شافت الشيخ محمد حصلها زي جنون أو صرع..جريت علي الباب عشان تخرج وفجأة وقفت على الباب وبقت بظهرها وكأنها بترجع غصب عنها😨😰 ..

كانت عماله تقول سيبني مع أن مفيش حد ماسكها ، كان جسمها بيتنفض واحنا واقفين مش قادرين نعملها حاجه .. عيونها احمرت وحاولت تضربني، فكنت بحاول امسكها ولكن قوتها زايدة بشكل أوفر .. الشيخ محمد طلب أن ميكنش فيه سيدات في الاوضه عشان محدش يتأذي ... وبدأ يقرأ القرآن وهدير تصرخ وبدأ يحضر عليها .. طلب مننا تمسكها ونكتفها انا وابويا..

وللاسف ضربتني انا وابويا ونظرت لينا نظرة شريرة "هموتكم كلكم" .. وحاولت تهرب وتجري .. راح الشيخ محمد مشاور بايده ناحيتها وكأنه بيربطها .. هدير وقعت في الأرض .. الشيخ استكمل التحضير ، وسمعت صوت عمري ما هنساه صوت واحد هندي طالع من بؤق اختي😶 .. كأني بسمع راديو !!؟ الشيخ طلب منه أنه ينصرف بسلام ولكن الجن الهندي رفض .. الشيخ كان بيطلب منه أنه يتكلم عربي والجن كان مصر علي الهندي😕🖤 .

بعد محاولات عديدة اتكلم عربي تاني .. وقالنا هموتكم كلكم وكان بيحاول بيحول يقوم ويخلص نفسه .. هدير محدش ماسكها ولكنها مش قادرة تتحرك وكان فعلا انها متكتفه ؟؟ .. العفريت الهندي كان بيقول لمحمد مش هتعرف تعمل معايا حاجه وضحك ضحكة استفزازية 😓😫 .. وقالنا أن اصحابوا جايين دلوقتي عشان ينجدوه ..

المهم  الشيخ محمد طلب من الجن الهندي أنه يمشي في سلام ولكنه رفض .. الشيخ قاله انا  هموتك وهدبحك دلوقتي .. طبعاً هدير كانت بتصرخ وتصوت .. والجن يقول للشيخ خلاص هخرج وبعدين يرفض الخروج وكأنه بياخد نفسه أو بيماطل عشان ميخرجش .. الشيخ محمد لما لقي الجن الهندي رافض الخروج .. قرار أنه يدبحه😯😮 .. حط سيف يده على رقبة هدير وقرأ سورة الكوثر حوالي عشرة مرات حتي أغمي على هدير .. بعدها سقاها شوية مايه وقالنا أننا نخليها نايمه لحد ما تقوم برحتها..

تاني يوم اختي صحيت ولا تتذكر شئ مما حدث أمس .. وقالت لي انها تشعر كما لو كانت عامله حادثة لأن جسمها كان يؤلمها .. الغريب في الموضوع اني شاهدت جرجا في رقبتها !! كما لو كان احد ما قطع رقبتها بسكين ولكن الجرح لا ينزف.........

وحاليا الحمد لله هي بقت كويسه ... ادعولي انا بقا عشان أنا اتهوست وبقيت بحضر ارووواح !!

صدقت طبعاً ههههه😅😅

اتمني تكون القصة دي عجبتكم ومنتظر رايكم في التعليقات هل حد فيكم شاف أو سمع قصة زي دي؟؟